Миний үзэл бодол
Энэхүү блогийноо хамгийн эхний бичлэгийг өөрийн үзэл бодлыг хуваалцахад зориулахаар шийдлээ.
Японд амьдарч сурч эхэлсэн тэртээх 4-н жилийн өмнөөс миний сэтгэлийг Японы нийгмийн нэгэн үзэгдэл ихээр татах болсон юм. Тэр бол хүмүүсийн сайн дурын хөдөлгөөн буюу волинтаризм байлаа. Нас тогтсон хүмүүсээс эхлээд залуучууд хүртэл өргөнөөр сайн дурын ажил хийж өөрсдийн болоод бусдын сайн сайханы төлөө цаг хүчээ зориулна гэдэг Монголын “хүчтэй нь хүчгүйгээ идэх” гэсэн капиталист нийгмийн тухай ойлголтоос огт өөр зураглал байлаа. Монголд хэрэв ажилгүй гиеүрэх залуучууд, наадам цэнгэлд амьдарлаа жолоодуулах идэрчүүд мөнгөгүйгээр шалтаглан гар хумхин суулгүйгээр сэтгэлээ нэгтгэж ядахдаа гудамжны хог цэвэрлэх хөдөлгөөн өрнүүлдэгсэн бол бидний амьдрал хичнээн гэгээтэй болох бол хэмээн өөрийн эрхгүй шүүрс алдаж билээ. Гэвч тийм сэтгэлтэй залуучууд байх л учиртай гэж итгэсээр, үгүй ядаж өөрийгөө тийм залуу байгаасай гэж хүссээр өдийг хүрсэн билээ.
Энэ 4-н жилийн хугацаанд хүмүүс сайн дурын хөдөлгөөнөөрөө ямар амжилтанд хүрч, өөрсдийн амьдралыг хэрхэн өөрчилж ирсэн тухай олон баримттай учирч, өөрийн биеээр оролцож туршлага ч хуримтлуулж амжив. Үүний үр дүнд оюутан ахуй цагтаа сайн дурын ажил, хөдөлгөөнд оролцож олон хүмүүстэй хамтран ажиллахын амт, ач тусыг олон олон хүнд мэдрүүлэх юмсан гэж бодох болсон юм.
Энгээд цаашид өөрийн бяцхан туршлагаасаа хуваалцахын зэрэгцээ хийж бүтээх хүсэл зориг дүүрэн олон олон хүмүүстэй санал бодлоо солилцоно гэдэгтээ найдаж байна.
Эцэст нь хэлэхэд баримталдаггүй зарчмууд олон ч гэсэн хөдлөшгүй дагадаг үзэл баримтлал маань:
“Хэлэхэд амар хийхэд хэцүү- хүний үйлийг буруушааж, ам хэлээ хурцалж суухаар өөрөө гар хөлөө хөдөлгөж байдлыг өөрчлөхийг оролд” юм байна.
Уншууштай материал
Сайн дурын хөдөлгөөнийг өөрийн өнцгөөс харахын зэрэгцээ дэлхийн хэмжээнд сэтгэдэг эрдэмтэн багшийхаа өнцгийг энд танилцуулъя гэж бодож байна. Дараах хаягаар хандаж Америкийн дэлхийг эзэрхийлэх бодлого болон түүний эсрэг энгийн иргэд бид юу хийж чадах тухай эссэйг уншаарай.
Moen, Darrell Gene.
"Denying Freedom and Opposing Democracy: In the Age of Pax Americana."
4 Comments:
Nice start. もっと自分の考え方を共有してほしい。アリオナの世界をもっと知りたい。よろしくね。
hey
onoodor chinii blog-iig olloo. Uzel bodol chin taalagddag, tuuniigee demjih hodolmorch zang chin bisherdeg shuu. Amjilt husey.
Uram ugsund ih bayarlalaa.
Harin oirdoo diplomiin ajil bichih geed zav jaahan muutai bolchihloo. Ajliinhaa hoino garchihaaraa dotor gijigdsen bodloo yamar neg baidlaar duulganaa:)
hi chinii bodol miniihtai ih niitsej bainaa gantsaardal gedeg ystoi hogiin ergen toiron hvmvvs baigaa ch gesen ogthon ch niitsehgvi bol gantsaaraa 2-uulaa baigaa ch gesen niitsets baival bvhnees ilvv saihan baidag shv.
www.enzon.tk
Post a Comment
<< Home